Os afeccionados xa buscan as camisetas da selección coas dúas estrelas

Hai quen xa este luns buscaba a camiseta da selección española coas dúas estrelas dos dous mundiais gañados. pero, polo momento non están en tendas, e só se poden reservar a través dunha aplicación que ten lista de agarda.

Semella probable que as imitacións para os mercados cheguen mesmo antes do 4 de agosto, cando sae á venda a peza oficial. Este ano xa quedaron sen existencias en tendas e mercados e a aposta para o novo equipamento é forte.

As camisetas de fútbol moven no mundo máis de 7.000 millóns de euros ao ano.