Publicador de contidos
Publicador de contidos

España, con Jenni Hermoso de volta, empeza a concentración nas Rozas

España, con Jenni Hermoso de volta, empeza a concentración nas Rozas

 Irene Paredes, Alexia Putellas e Olga Carmona representan as xogadoras na sinatura do convenio coa RFEF e o CSD

Foto EFE
G24.gal 23/10/2023 13:52 Última actualización 23/10/2023 14:00

A selección española feminina comezou este luns a súa concentración na Cidade do Fútbol das Rozas para preparar os partidos da liga de Nacións ante Italia e Suíza con Jenni Hermoso, que volve á Vermella tras o acaecido tras a final do Mundial co expresidente Luis Rubiales.

As internacionais escollidas pola seleccionadora Montse Tomé para disputar os importantes encontros a domicilio ante Italia e Suíza, foron chegando ao longo da mañá do luns á sede federativa en pequenos grupos.

Esta é a primeira vez na que a xogadora do Pachuca mexicano volve a unha concentración con España tras o bico non consentido que o expresidente da RFEF, Luis Rubiales, deulle á xogadora na entrega de premios do Mundial de Australia e Nova Zelandia.

Jenni Hermoso non foi citada na anterior convocatoria para os partidos ante Suecia en Gotemburgo e Suíza en Córdoba como medida de protección tras o acaecido, segundo dixo entón a seleccionadora.

Despois, o presidente da xunta xestora da Federación Española de Fútbol (RFEF), Pedro Rocha, as internacionais Irene Paredes, Alexia Putellas e Olga Carmona, xunto ao presidente do Consello Superior de Deportes (CSD), Victor Francos, asinaron este luns o convenio que recolle os acordos alcanzados o mes pasado en Oliva (Valencia) sobre as condicións do fútbol feminino, en presenza de todas as integrantes da selección.

Publicidade
Publicidade
Publicidade
Publicidade