Escolas convertidas en vivendas en Xermade, unha forma de atraer traballadores ao rural

Esta escola unitaria situada no concello de Xermade leva 5 anos deshabitada. E o tempo non pasa en balde. É por iso que o Concello pensou nela para tentar solucionar un dos grandes problemas que teñen agora mesmo.

Necesitan traballadores, pero os que veñen non atopan onde vivir, e estas casas cunha pequena reforma estarían habitables, como explica José Prieto Barro, o tenente de alcalde do concello de Xermade.

Vivendas baleiras hai de sobra pero ou ben aínda non están resoltas as herdanzas ou os propietarios teñen medo a poñelas de alugueiro.

Ante a ausencia de oferta privada, o Concello vai rehabilitar dúas escolas unitarias para uso residencial, ata o de agora só se utilizaban como local social para a veciñanza. En Xermade ademais xa teñen algunha experiencia positiva nese sentido.