Escolares de Portosín participan nunha xornada de limpeza na praia de Coira
A asistente técnica da confraría de pescadores de Portosín explicoulles o impacto do lixo nos ecosistemas mariños e a importancia de manter limpas as praias
Armados de luvas e bolsas de lixo, os pequenos lanzáronse á busca de residuos coma se fose unha busca do tesouro
Medio cento de alumnos do Colexio de Educación Infantil e Primaria de Portosín cambiaron os pupitres pola area. A praia de Coira converteuse en aula improvisada onde a asistente técnica da confraría de pescadores de Portosín lles explicou o impacto do lixo nos ecosistemas mariños e a importancia de manter limpas as praias.
Na xornada colaboran concello, colexio e confrarías de pescadores porque é responsabilidade de todos coidar a principal fonte de recursos da vila, como explicou Luis Oujo o alcalde de Porto do Son.
Armados de luvas e bolsas de lixo os pequenos lanzáronse á busca de resíduos como se fose unha busca do tesouro.
Malia que aparentemente a praia estaba limpa ao remate da actividade, os pequenos encheron unha ducia de bolsas de residuos, pero, sobre todo, levaron unha lección aprendida: hai que coidar o medio mariño.
