Os limpadores atopan dentro dos coches todo canto se poida imaxinar
Xoguetes de todo tipo, xoias ou cartos son os achados máis comúns no interior dos vehículos
Coma se dun burato negro se tratase, os recunchos do interior do coche atraen todo tipo de obxectos. Ben o saben nas empresas dedicadas á limpeza de vehículos, onde afirman ter atopado literalmente de todo e en todos os estados posibles da materia. Entre os máis recorrentes, figuran moedas, pendentes ou xoguetes que xa se daban por perdidos para sempre.
"Aquí en Lugo aínda non atopei o que puiden atopar en Andorra. Cheguei a encontrar un xoguetiño sexual no maleteiro, que son cousas que poden pasar. Aquí non me pasou nunca", sinala Juan Puig, xerente de GP Car Detail.
"Diñeiro, reloxos, aneis, pendentes... Un pouquiño de todo", engade Robert Kelvin, dono de Auto Detail Lugo.
Os obxectos recuperados polos limpadores adoitan deixarse á vista dos propietarios dos vehículos, para os que nalgún caso poden ter un gran valor máis alá do pecuniario.
"Unha vez un cliente perdeu o anel de vodas e atopámosllo no coche", afirma Robert Kelvin.
"Porque as portas traen panos, ambientadores, colonias, que se as lentes do cadelo... En fin, vin milleiros de cousas", conclúe Juan Puig.
Porque os limpadores viron cousas que ninguen crería, todos eses obxectos que se perderon no tempo pero que, pasando un cepillo, puideron ser recuperados.
