Ingresan en prisión dous homes por oito roubos violentos en Barcelona

Ingresan en prisión dous homes acusados de oito roubos con violencia e intimidación en establecementos da localidade barcelonesa de Vilafranca del Penedès.

Teñen 42 e 44 anos, e un deles, antecedentes policiais por 16 roubos parecidos.
Armados con navalla, a súa estratexia consistía sempre en ameazar os traballadores do negocio que poñían como obxectivo e levar os cartos da caixa rexistradora e de caixóns.

Detivéronos hai unha semana e o xuíz ordenou que ingresasen no cárcere.