O Morrazo foi unha das zonas máis afectadas polas treboadas

Unha das bisbarras máis afectadas pola gran treboada do martes pola tarde nas Rías Baixas foi o Morrazo. En Cangas saltaron as tapas de sumidoiro, rebentou unha tubaxe de saneamento fronte ao colexio de Coiro provocando unha fochanca.

Tamén se reproduciron os habituais asulagamentos na contorna do mercado municipal, malia a prevención dos establecementos para que a auga non estrague as súas mercadorías con barreiras e con trampelas mesmo dotadas con sensores por se o asolagamentos se producen pola noite.