Dro Fernández, a sensación do Barcelona que comezou no Val Miñor

Pedro Fernández Sarmiento, coñecido futbolísticamente como Dro Fernández, apareceu con 17 anos na pretemporada do Barcelona. Poucos saben que se formou no Val Miñor de Nigrán e que alá polo ano 2016 era un dos mellores xogadores da categoría prebenxamín que había en Galicia. De feito o Val Miñor proclamouse campión galego da categoría ao impoñerse por 6-1 ao Cristo da Victoria nun torneo que ofreceu a Televisión de Galicia. 

Agora seguiremos de preto a traxectoria de Dro Fernández. Desde o 2021 pasou á canteira do Barcelona, onde foi dando pasos para a súa formación futbolística. Tentará gañar a confianza de Flick, ao que non lle treme o pulso á hora de darlles a alternativa aos xogadores novos.