Dous mortos e 40 desaloxados nun incendio nun edificio de Xàbia

O lume declarouse nunha vivenda da segunda planta dun inmoble de cinco alturas

Os bombeiros extinguiron o incendio e revisan o edificio

Dúas persoas faleceron e arredor de 40 foron desaloxadas a consecuencia dun incendio declarado este xoves nunha vivenda dun edificio de cinco alturas situado na avenida París, no municipio alacantino de Xàbia.

O incendio iniciouse na segunda planta do inmoble. O lume xa foi extinguido, pero continúan os traballos para ventilar o fume e os gases acumulados e revisar o estado do edificio, segundo informou o Consorcio Provincial de Bombeiros de Alacante.

O aviso recibírono arredor das 16.07 horas. As lapas eran visibles na terraza da vivenda afectada e o fume estendeuse pola escaleira do edificio. Ata o lugar desprazáronse tamén efectivos sanitarios.

O operativo mobilizou dúas unidades de mando e xefatura, dúas bombas urbanas pesadas, unha bomba nodriza pesada, unha autoescaleira e un furgón de transporte de persoal. No dispositivo participaron un sarxento, dous cabos e 12 bombeiros dos parques de Dénia e Benissa.