Desaloxan o centro comercial As Cancelas, en Santiago, por un incendio na azotea

Un incendio na zona da azotea do centro comercial As Cancelas, en Santiago, obrigou a desaloxar as instalacións. Segundo trasladaron as fontes do 112 Galicia, sobre as 14:00 horas un particular alertaba de que vía saír fume dun tellado nesta zona.

A continuación, desde seguridade do centro comercial tamén se puxeron en contacto coa central de emerxencias para dar aviso dun incendio na zona da azotea e comunicar que ían proceder á evacuación das instalacións, aínda que non había persoas afectadas.

Ata o lugar desprazáronse dotacións dos Bombeiros de Santiago e efectivos da Policía Nacional, Policía Local e Protección Civil.