Un incendio nunha nave de Salvaterra de Miño deixa unha persoa ferida
Tiña queimaduras e o persoal sanitario trasladouna ao centro hospitalario de referencia
O 112 informa de que ardeu todo o interior da nave, onde se facían traballos de soldadura, dous vehículos e un elevador hidráulico
Unha faísca de soldadura é a hipótese máis probable da orixe do lume
Un incendio nunha nave de Salvaterra de Miño deixou unha persoa ferida. Tiña queimaduras e o persoal sanitario trasladouna ao centro hospitalario de referencia.
O 112 informa de que ardeu todo o interior da nave, onde se facían traballos de soldadura, dous vehículos e un elevador hidráulico. Unha faísca de soldadura é a hipótese máis probable da orixe do lume
Foi no lugar de Grixó, na parroquia de Alxén, e o aviso deuno un particular. Bombeiros de catro parques comarcais traballaron na extinción: O Porriño, Morrazo, Vilagarcía e Ponteareas, ademais do GES de Mos. Contaron co apoio da Garda Civil de Policía Local e de Protección Civil.
