Rescatado un menor que se meteu no río no Barco de Valdeorras para coller un balón

O rapaz de 16 anos meteuse no río Sil, en plena alerta vermella, na tarde deste xoves para coller un balón que se lle caeu á altura da rúa Gonzalo Gurriarán, no Barco de Valdeorras. 

O menor estaba xogando cuns amigos nunha pista que está situada ao carón do río. Cando se lle escapou o balón, quitou a roupa, meteuse no río, malia que levaba moita auga, e logrou agarrarse a unha árbore. Alí permaneceu durante media hora ata que foi rescatado por efectivos do Grupo de Emerxencias de Valdeorras e da Policía Local. 

O neno presentaba síntomas de hipotermia e tivo que ser trasladado ao Hospital de Valdeorras.