Publicador de contidos

Publicador de contidos

Dous días sen noticias do septuaxenario que desapareceu en Carballedo

Dous días sen noticias do septuaxenario que desapareceu en Carballedo

A busca esténdese a toda a comarca por se subiu nalgún coche

José Luis González ten 79 anos e padece demencia

Os drons da AXEGA rastrexaron a zona onde vive e onde o viron por última vez con cámaras térmicas

G24.gal 28/09/2022 13:59

Cada hora que pasa diminúen as posibilidades de que a busca de José Luis, o veciño de 79 anos desaparecido este luns en Carballedo, teña un final feliz. Pero a súa familia conserva a esperanza de atopalo con vida e este mércores continuou o rastrexo das zonas próximas á súa aldea. 

O equipo cinolóxico coordínase co resto do operativo para reemprender a busca de José Luis. A cadela Onza está especializada en atopar persoas desaparecidas. A primeira parada é a contorna da igrexa de Veascós.

Rastrexan a pé un radio duns tres quilómetros dende o lugar onde o viron por última vez, pero a busca esténdese a toda a contorna, xa que non descartan que puidese subir nalgún coche.

Tamén os drons da Axencia Galega de Emerxencias rastrexaron a zona onde vive e onde o viron por última vez con cámaras térmicas.

José Luis desapareceu o luns pola mañá. Fora levar unhas ovellas a un prado ao carón da súa vivenda na Raña e pouco despois vírono camiñando pola estrada.

Co paso das horas medra a angustia entre a familia. José Luis precisa medicación para a demencia, entre outras doenzas.

Unha carreira contra o tempo na que piden a colaboración de todo aquel que puidera ver algo para intentar dar co paradoiro de José Luis.

Publicidade
Publicidade
Publicidade
Publicidade