Dous acusados de traficar con droga no Resurrection aceptan tres anos de prisión

Dous mozos acusados de traficar con drogas durante a celebración do Resurrection Fest aceptaron unha condena de tres anos de prisión e o pagamento dunha multa de 1.396 euros cada un tras chegar a un acordo de conformidade coa Audiencia Provincal de Lugo.

Os dous, sen antecedentes penais, recoñeceron os feitos e beneficiáronse da atenuan de drogadicción. A Fiscalía tivo en conta que eran consumidores habiuais no momento dos feitos e que actualmente seguen un tratamento de deshabituación con evolución favorable, polo que a execución pola pena de prisión quedará suspendida sempre que cumpran as condicións fixadas pola xustiza. 

Os feitos remóntanse ao 26 de xuño de 2025, cando ambos acudiron ao festival e Viveiro coa intención de vender substancias estupefacientes. A Policía Nacional localizou unha mochila e no vehículo no que chegara ao recinto ketamina, MDMA, cannabis, marihuana, 2C-B, decenas de pastillas de éxtase, unha balanza de precisión e 245 euros e efectivo. 

Segundo o informe pericial, o valor da droga intervida ascendía a 1.396, 24 euros. Inicialmente, a Fiscalía solicitaba para cada un catro anos de prisió e unha multa de 3.900 euros, pero o acordo permitiu rebaixar a condena a tres anos de cárcere e unha multa equivalente ao valor das substancias incautadas.