Doentes de sarcoma piden ao Ministerio a creación de máis centros de referencia
A patoloxía, un cancro raro que ataca o tecido cognitivo, afecta en España unhas 3.000 persoas
O sarcoma é un cancro raro que afecta o tecido cognitivo. A principal asociación de doentes, Asarga, estaba en Galicia. Agora convértese nunha entidade estatal. Buscan máis visibilidade para unha patoloxía que afecta en España a unhas 3.000 persoas, á vez que esixen a creación de centros de referencia e máis investigación.
Soubemos do sarcoma por casos como o da influencer Elena Huelva ou o fillo de Ana Obregón, Álex Lequio. Detrás, como recolle o documental 'O sarcoma día a día', hai moitos doentes que sofren non en silencio pero case invisibles.
O sarcoma afecta o tecido cognitivo, polo que pode aparecer en calquera parte do corpo. Por iso é complicado o seu diagnostico. E por iso é importante o tratamento parte dun equipo multidisciplinar.
Centros de referencia. É a principal reivindicación que fan os doentes. En España hai sete. Ningún pola zona noroeste. Asarga, convertida xa en asociación nacional, pide un protocolo de derivación a centros de referencia, algo que, insisten, é un dereito para os doentes.
