Doce comunidades están en aviso amarelo por treboadas, entre elas, Galicia
Nas provincias da Coruña, Ourense e Pontevedra estímanse acumulados de 15 litros e tormentas que poderán ir acompañadas de sarabia
Con aviso amarelo non existe risco meteorolóxico para a poboación en xeral, aínda que si para algunha actividade concreta ou localización
Treboadas en Vigo
Doce comunidades autónomas atópanse este sábado en aviso amarelo por precipitacións, segundo informa a Axencia Estatal de Meteoroloxía (Aemet).
En Galicia, as provincias de Pontevedra e A Coruña e zonas específicas de Ourense e Lugo están en alerta amarela por tormentas. Estes fenómenos poderán ser localmente fortes e estar acompañadas de saraiba, segundo recolle Meteogalicia.
En total, 236 localidades das catro provincias estarán afectados pola alerta, que durará entre as 15:00 e 21:00 horas. No caso de Ourense, as tormentas produciranse no noroeste, o sur e a zona do Miño; e, en Lugo, nos municipios da Mariña.
Pola súa banda, a Axencia Estatal de Meteoroloxía (Aemet) engade que o aviso comportará choivas que provocarán precipitacións acumuladas nunha hora de 15 milímetros. Ademais, este servizo estende a alerta á montaña de Ourense.
Bo día! Xornada tormentosa hoxe en #Galicia pola formación dunha baixa ao oeste de Portugal.
— MeteoGalicia (@MeteoGalicia) May 9, 2026
Mañá tranquila, pero tarde con chubascos, localmente fortes e con posible aparato eléctrico e sarabia ⚠️
Non perdades de vista o radar👇https://t.co/rpOnbRVPJS pic.twitter.com/8fUderdNCt
Resto de comunidades
Na Comunidade Valenciana prevese choiva con acumulados de entre 20 e 30 litros por metro cadrado nunha hora e 60 en doce horas, a partir da tarde, e tormentas, que na provincia de Alacante poderán ir acompañadas de saraiba miúda.
Cádiz, Huelva e Sevilla están en aviso amarelo en Andalucía por choiva, con acumulados de 15 litros por metro cadrado nunha hora nalgunhas zonas, e tormentas que poderán ir acompañadas de saraiba miúda ocasional. Fenómenos que se presentarán a partir da tarde.
En Asturias, prevense pola noite choivas con acumulados de 15 litros nunha hora na cordilleira Cantábrica e os Picos de Europa, e tormentas que poderán ir acompañadas de saraiba e refachos de vento moi fortes.
No arquipélago balear, a choiva afectará a partir da tarde a todas as illas, con acumulacións de 20 litros nunha hora, e as tormentas rexistraranse nalgunhas zonas na tarde deste sábado, e irán acompañadas de ventos de 40 a 50 km/h, con forza 6 e ondas de dúas a tres metros.
En Cantabria, a choiva, con acumulados de 15 litros, afectarán o litoral, Liébana, centro, val de Villaverde e a área do Ebro, zonas onde as tormentas se poderán presentar con saraiba e refachos de vento moi fortes a partir das nove da noite.
Nalgunhas zonas de Ávila, Burgos, León, Palencia, Salamanca, Valladolid e Zamora prevense choivas (con acumulados de entre 15 litros nunha hora e 40 en doce horas) e tormentas con refachos localmente moi fortes de vento e posible saraiba na noite.
Igualmente, en Castela-A Mancha, algunhas zonas de Cuenca, Guadalaxara e Toledo veranse afectadas na noite por choiva, con precipitación acumulada nunha hora de 15 litros e tormentas que poderán ir acompañas de sarabia miúda e algún refacho de vento moi forte.
En Cataluña, Tarragona será a provincia máis afectada polas choivas, con acumulados de entre 15 e 20 litros nunha hora a partir da tarde.
Na provincia estremeña de Cáceres tamén se prevén choivas, e tormentas con refachos moi fortes de vento e e posible saraiba a partir de media noite.
Na serra madrileña, a área metropolitana e Henares prevese tamén choiva con acumulados de 15 litros nunha hora a partir das dez da noite, precipitacións que poderán ir acompañadas de saraiba miúda e algún refacho de vento moi forte.
Na Rexión de Murcia, a Vega do Segura, o Campo de Cartaxena e Mazarrón rexistrarán choiva que irá acompañada de tormenta.
Segundo a Aemet, con aviso amarelo non existe risco meteorolóxico para a poboación en xeral, aínda que si para algunha actividade concreta ou localización de especial vulnerabilidade, como unha gran conurbación.
