Detido un veciño de Monterrei como presunto autor dun incendio forestal en Vilardevós

A Unidade Orgánica de Policía Xudicial da Comandancia de Ourense detivo un home de 63 anos, veciño da comarca de Monterrei, como presunto autor dun delito de incendio forestal que afectou o concello de Vilardevós.

O incendio iniciouse o 13 de agosto de 2025 en Vilardeciervos, en Vilardevós, e afectou 1.800 hectáreas. As lapas, sinala o comunicado enviado este martes, obrigaron a confinar dúas poboacións durante os traballos de extinción.

As dilixencias por estes feitos foron remitidas ao Xulgado de Instrución de Verín, que investiga os feitos.