Detido un home en Xixón acusado de agredir sexualmente á neta e almacenar vídeos de pornografía infantil
Detido un home en Xixón acusado de agredir sexualmente á neta e almacenar vídeos de pornografía infantil
O detido xa pasou a disposición xudicial do Xulgado de Instrución Número 3 de Xixón, que decretou o seu ingreso en prisión
O detido tiña vídeos de pornografía infantil coa neta gravada en diferentes etapas da súa vida
A nena é menor de 14 anos
Imaxe: Policía Nacional
A Policía Nacional detivo este sábado en Xixón o avó dunha menor por agresión sexual e almacenar pornografía infantil sobre a vítima. A menor aparece en diferentes etapas da súa vida en vídeos gravados nas mesmas estancias dun domicilio con varios anos de diferenza entre eles.
A nena, de idade inferior aos 14 anos, estaba a ser agredida sexualmente e de maneira continua na súa propia contorna familiar, situación que os pais da menor descoñecían, segundo informa a Policía Nacional.
O detido pasou a disposición xudicial do Xulgado de Instrución Número 3 de Xixón, que decretou o seu ingreso en prisión.
