Deteñen un galego a bordo dun veleiro con 1,3 toneladas de cocaína

Detido en Martinica, no mar Caribe, un galego que ía a bordo dun veleiro cargado con 1.300 quilos de cocaína.  No operativo en mar aberto, desenvolvido conxuntamente entre as autoridades francesas e españolas, foron detidas outras dúas persoas, unha delas tamén española.

A droga comisada tería un valor duns 50 millóns de euros no mercado ilícito europeo. Os arrestados xa pasaron a disposición xudicial. Trátase dunha das maiores intervencións policiais en mar aberto contra o tráfico de cocaína destinada a Europa dos últimos meses.