Detectan un condutor circulando a 140 quilómetros hora nun tramo limitado a 50 en Ribadumia
En caso de ser condenado, o mozo exponse a sancións e á posibilidade da retirada temporal do permiso de conducir
Garda Civil/Ministerio do Interior
Un condutor foi detectado circulando nun vehículo a 140 quilómetros por hora nun tramo de estrada do municipio pontevedrés de Ribadumia limitado a 50, segundo informou este martes a Garda Civil.
O vehículo, conducido por un mozo de 26 anos, foi detectado a excesiva velocidade por un radar ás 08:50 horas desta mañá na estrada PO-300, precisa o citado corpo policial.
O individuo, acusado dun presunto delito de contra a seguridade viaria, deberá comparecer ante o Tribunal de instancia de Cambados (Pontevedra) cando sexa requirido.
En caso de ser condenado, o mozo exponse a sancións e á posibilidade da retirada temporal do permiso de conducir.
