O único profesional certificado de LEGO na Península é un enxeñeiro de camiños ourensán
Pablo Gonzalez é o primeiro profesional certificado pola coñecida marca en España e Portugal
Despois de oito anos como deseñador da compañía en Dinamarca, agora ten o seu propio estudio de deseño
The Bric Art Lab ofrece unha ampla gama de servizos de deseño, desde mosaicos ata construcións personalizadas para empresas
Coñecemos hoxe o ourensán Pablo González, un enxeñeiro de camiños que deixou a construción de grandes obras polos famosos ladrillos de xoguete de LEGO. Primeiro traballou para a empresa en Dinamarca como deseñador de modelos e converteuse no primeiro e único profesional certificado para España e Portugal. Agora ten en Ourense o seu propio estudio de deseños exclusivos.
O que comezou sendo unha afección que compartía co seu fillo hai uns 20 anos, a construción cos coñecidos ladrillos de plástico de LEGO, converteuse na súa profesión. Pablo era enxeñeiro de camiños e decidiu apostar polo seu lado máis creativo.
"Isto ten un compoñente bastante artístico, porque ao final é como ti interpretas o mundo e o transformas en pezas de LEGO", di Pablo González González, o fundador de The Brick Art Lab
E desde hai un ano os seus deseños exclusivas construídos no seu estudio de Ourense viaxan por todo o mundo.
Agora está a facer un proxecto especial para o Entroido de Ourense e di que lle gustaría poder montar unha exposición itinerante coas súas creacións artísticas.
.png)
