Como aproveitar o cambio de estación e o cambio de armario para facer sitio na casa

Nos cambios de armarios, desprendernos tanto de roupa como de obxectos é segundo os profesionais é o que peor levamos, ao ter un claro compoñente emocional. Din que hai xente que mesmo enferma antes de facelo.

Os trucos da organizadora de casas profesional, Silvia Cristina Pereira, son:

1º paso: depurar

Empezar por depurar, sacar as cousas que non usamos desde hai dúas temporadas porque non o imos volver usar. É a parte máis difícil, vai moito da parte emocional, hai xente que enferma cando comeza unha organización e non se decata por que, pero despois dá unha levidade...

2º paso: clasificar

Empezar clasificando cousas que non uso, cousas que xa non me serven e cousas que vou doar para ver as que nos quedaron. Aí si podemos comprar caixas ou perchas, non comezar ao revés. A caixa de doar non deixala dentro da casa, doar xa, o mesmo día ou o seguinte, como moito 2 días.

3º paso: unificar

Unha técnica moi usada por organizadores de casas é unificar as perchas, máis finiñas, vanche caber moitas máis cousas no armario. Polo menos que sexan do mesmo tamaño. As de madeira ocupan moito espazo e usaríanse só para americanas e abrigos pesados.

Outro dos trucos máis usados polos profesionais ten que ver cos zapatos e como obter máis espazo.

Os zapatos temos un ao lado do outro no espazo que tes caben 4, se os colocas un para diante e o outro para atrás en vez de 4 vanche caber 5.

E, por último, facer a limpeza e orde de armarios máis a miúdo do que se acostuma, non só cos cambios de estación.

Non facelo só unha vez ao ano ou cada cambio de temporada, polo menos, cada dous meses...