Leilía despídese dos escenarios cun derradeiro concerto no Auditorio de Galicia

Leilía pon fin a máis de tres décadas sobre os escenarios cun concerto que se celebrou este sábado no Auditorio de Galicia, en Santiago. As entradas para este concerto esgotáronse hai moitos días.

O histórico grupo de pandeireteiras leva tres meses despedíndose coa xira "Anque me vou, non me vou", interpretando temas do seu último disco, "Vidas cantadas". As Leilía foron pioneiras no movemento das pandeireteiras, contribuíron a recuperar a música das aldeas e a poñela en valor coas súas voces.