Os máis previsores están xa a mercar marisco para conxelar con vistas ás festas do Nadal
O que máis se vende estes días para conxelar para o Nadal son os camaróns e as cigalas
O camarón grande que hoxe se vende a 80 euros por quilo chegou o ano pasado no Nadal aos 200 euros
Dous meses antes da noiteboa os máis previsores están xa a mercar parte do marisco para as festas do Nadal para aproveitar os prezos destes días.
"Vou mercar camarón porque se conxela moi ben e agora ten mellor prezo que no Nadal".
"Peixe, marisco ou mesmo a carne. Procuro que cando chegan os días grandes das festas ter xa na casa".
Estas compras anticipadas implican un aforro importante en produtos como a cigala ou o camarón.
"O camarón a 80 euros está ben, o mediano a 60 ou 50, depende do día".
"Máis do doble, o ano pasado vendeuse ata a 200 euros o camarón grande".
"Esta cigala pequena que agora esta a 40 euros, no Nadal está a 60 ou 70 tranquilamente".
Con todo, os praceiros coinciden en que cando realmente comezan as compras con vistas ás festas é a partir do 10 de novembro, cando abre a campaña da centola.
"A xente bótase a mercar peixe e marisco para o Nadal cando abre a centola, a centola é o pistoletazo de saída, en canto a centola abre se botan todos a mercar de todo xa".
"E agora para o mes, tan pronto abra a centola esto vai ser unha locura".
Malia o aforro que supón mercar antes e conxelar, tamén son moitos os que prefiren agardar a última hora e gozar de peixe e marisco fresco nas ceas e comidas do Nadal.
