Derek Gee asalta o liderado cunha exhibición na crono
Carlos Canal corre mermado e hoxe notouno, está a 1´04" do novo líder
O canadense Derek Gee exhibiuse este venres na terceira etapa de O Gran Camiño, unha contra o reloxo de 15,5 quilómetros entre Ourense e O Pereiro de Aguiar, e é o novo líder da carreira galega.
O ciclista do Israel-Premier Tech, noveno na pasada edición, cruzou a meta cun tempo de 23:17.9, seguido do italiano Davide Piganzoli, que entrou a 17 segundos. O danés Magnus Cort Nielsen non puido defender o liderado por tan só cinco segundos.
Carlos Canal corre minguado e hoxe notouno. Está a 1´04" do novo líder
"Cústame bastante un esforzo tan continuado. Noto bastante falta de recuperación. Pero seguimos loitando".
E así queda a clasificación xeral logo desta CRI. Todo moi aberto para a etapa raíña de mañá!! #OGC25 pic.twitter.com/ONuqx5y0Yx
— O Gran Camiño (@ograncamino_thr) February 28, 2025
Mañá será a cuarta etapa entre A Pobra do Brollón e o Alto do Cebreiro
