O Sar vibra co triunfo do Obra nun derbi entre titáns (103-99)
O Obradoiro dispuxo de nove de vantaxe no segundo cuarto
O Leyma reaccionou no terceiro e chegou a empatar
No definitivo, os locais elevaron o ton atrás e levaron o partido
Barcello foi determinante con 22 puntos
Ambiente extraordinario no Sar e, fronte fronte, os dous titáns do momento na Primeira FEB. Partido de poder, cos ataques por riba das defensas. Con Cuevas e Caio ao mando das operacións do Leyma e con Westermann e Dos Anjos dando resposta para Obradoiro. As primeiras vantaxes foron coruñesas (21-26), pero un parcial de 10-0 dos santiagueses, nos minutos finais do primeiro cuarto, puxo sete arriba o Obradoiro (33-26).
O segundo capítulo mantivo o frenesí, o ritmo do primeiro. Cunha loita endiañada polo rebote e con máis acerto no tiro dos locais. Barcelo e os pivotes do Obra marcaban a diferenza neste cuarto e permitían manter a diferenza cun 52-45 para o Obra.
Á volta dos vestiarios, o Leyma tratou de subir o nivel atrás e arriba enganchouse a Jorgensen. Os visitantes estreitaron a diferenza ata empatar (71-71) a falta de tres minutos e cargaron amáis a Westerman con catro faltas. Foron intres de sufrimento do Obra que só encontraba sustento na inspiración de Barcello. 76-73 para os Santiago camiño do cuarto final.
E no cuarto final activouse atrás o Obradoiro. Con Brito e Kravic liderando o xogo local, dominando o rebote, e coa diferenza que se estiraba ata os nove (88-79) a falta de seis minutos. O Leyma tratou de volver, pero aí apareceron de novo Barcelo e logo Westermann para decidir para Obradoiro.
Barcello acabou con 22 puntos, MVP do partido. Para o Leyma foi a primeira derrota da Liga e, con ela, ve como o Obradoiro se lle pon a un triunfo de distancia na clasificación.
O acabar o partido Barrueta e Cuevas falábanos do rebote como a clave que decidiu o choque.
