Leyma Coruña-Obradoiro, auténtica final polo ascenso en directo na TVG e AGalega.gal (19:00h)
Os protagonistas xa pisaron a pista para a sesión de tiro desta mañá
Amplo despregamento desta casa con motivo do partido, cos Deportes do Telexornal desde o Coliseum
No Coliseum da Coruña, en menos de catro horas, comeza o partido da temporada na 1FEB de baloncesto. Ás 7 da tarde pola nosa primeira canle imos ver o Leyma Coruña-Obradoiro, o primeiro contra o segundo clasificado. Un partido, en todo caso, que rezuma ACB. O equipo que gañe hoxe dependerá de si mesmo para conseguir o ascenso directo à maxima categoría do baloncesto nacional.
Os dous equipos fixeron o último adestramentos esta mañá. Fixerono na pista do Coliseum.
O Obradoiro fíxoo ás dez da mañá. O equipo santiagués está no seu mellor momento cunha restra de once vitorias seguidas das 23 vitorias que leva esta temporada. Suma 23 vitorias e 3 derrotas cun partido menos que o seu rival de hoxe. Un Leyma Coruña que adestrou dúas horas despois, ás doce do mediodía.
O equipo herculino é o líder da categoría con 25 vitorias e 2 derrotas esta temporada. Non perdeu ningún partido aquí no Coliseum, as dúas derrotas foron como visitantes. Unha delas precisamente na primeira volta ante o Obra, no Multiusos do Sar.
