Carles Marco: "Vai ser un partido difícil, nunha cancha difícil e cun grande ambiente"
O conxunto galego viaxa ás illas Baleares coa intención de selar pronto a súa clasificación para a Final a Catro polo ascenso á ACB
O adestrador do Leyma Básquet Coruña, Carles Marco, advertiu da dificultade do terceiro partido da eliminatoria ante o Hestia Menorca, que se disputará este venres no Pavelló Menorca, e asegurou que o seu equipo non poderá avanzar sen un alto nivel de esixencia e sufrimento competitivo.
O conxunto galego viaxa ás illas Baleares coa intención de selar a súa clasificación para a Final a Catro polo ascenso á ACB, aínda que o seu técnico rebaixou calquera expectativa de partido sinxelo.
“Vai ser un partido difícil, nunha cancha difícil, en que haberá un grande ambiente, e ante un equipo que xoga moi ben. Eles son moi bos, estiveron a piques de gañarnos no Coliseum"
"Oxalá compitamos e poidamos gañar para deixar a serie lista, pero véxoo difícil porque cada partido é unha historia”, sinalou Marco
O adestrador do conxunto coruñés subliñou que ambos os equipos se coñecen “moito” tras enfrontarse ata en cinco ocasiones esta tempada, o que engade complexidade a unha eliminatoria en que, segundo dixo, ningún rival logra impoñerse con facilidade.
