Primeiro paso no playoff do Leyma ante o Menorca (93-71)

O Leyma Básquet Coruña deu o primeiro paso cara á final a catro polo ascenso á Liga Endesa tras impoñerse ao Hestia Menorca (93-71) no primeiro partido dos cuartos de final do playoff.

Nun encontro máis esixente do que indica o marcador, o equipo de Carles Marco soubo acelerar no tramo decisivo para poñer o 1-0 na eliminatoria.

Os coruñeses terán agora a oportunidade de deixar o pase moi ben encamiñado este domingo (20.00 horas, na G2 e en Agalega.gal), de novo no Coliseum e co apoio da súa afección, que volveu resultar clave nos momentos importantes do partido.