Cruel derrota do Noia ante o Santa Coloma (3-4)
Os de David Palmás encaixaron o gol decisivo a seis segundos do final cando asediaban a meta contraria coa táctica do porteiro xogador
Desaproveitaron o dous cero inicial para rematar perdendo nos últimos segundos do partido
@NoiaFutbolSala
Dura derrota do Noia no Agustín Mourís ante o Santa Coloma nun partido tolo que se decidiu no último minuto e que privou ó equipo local de durmir en postos de Play Off polo título.
A primeira metade foi case perfecta para os locais. Con goles de Churrasco e Ismael colleron unha cómoda vantaxe coa que chegarían o descanso. Pero tras o intermedio chegaría a reacción do cadro catalán . Os de Santa Coloma daríanlle a volta ó marcador grazas o gol de Povill e o dobrete de Puchil. Restaban nove minutos para o final e o adestrador local David Palmás optou pola táctica do porteiro xogador para buscar a igualada. Algo que acadaría a un minuto do final cun gol de Thierry. Restaban segundos para o final peo o equipo noiés foi a polo triunfo. Persistiu co xogo de cinco en campo contrario pero unha recuperación de Marc Tolrá propiciou un disparo do propio xogador catalán dese a súa propia área que entrou na meta noiesa deixando os locais sen puntos e cunha derrota que foi demasiado castigo tras o visto na pista do Agustín Mourís.
