Crean unha axencia especializada en viaxes con cans

Coco e Biela, os cans de María de los Ángeles Paz, son en boa medida responsables do nacemento en Galicia de Rekunchos, unha axencia de viaxes pet friendly. Organiza actividades onde todos gocen, polo momento son excursións guiadas ou escapadas dentro de Galicia.

A idea de Ángeles vai máis alá de atopar aloxamentos que permitan a entrada dos cans, inclúe tamén restaurantes, rutas de sendeirismo ou ofertas culturais onde todos gocen da experiencia.

Na súa procura, van sempre comprobar os locais amigables coas mascotas antes de ofrecérllelos aos clientes.