Cortada a circulación da A-52 en Allariz por unha mancha de combustible tras a saída de vía dun tráiler
Cortada a circulación da A-52 en Allariz por unha mancha de combustible tras a saída de vía dun tráiler
Nestes momentos os medios continúan no punto e a autovía permanece cortada en sentido Vigo entre os puntos quilométricos 202 e 210
O suceso ocorreu no quilómetro 206 da A-52, na parroquia de Requeixo de Valverde. O condutor do tráiler alertou o 112 Galicia no momento do accidente, que ocorreu dez minutos antes das 4:30 horas desta madrugada. Durante a comunicación sinalou que non quedara ninguén ferido e que o vehículo obstaculizaba parcialmente a circulación tras colidir contra a medianeira.
Con todo, cando os operarios de mantemento chegaron ao lugar comprobaron que o depósito do camión estaba afectado e que derramara todo o combustible sobre o asfalto. Pouco despois uniríanse os Bombeiros de Xinzo, que traballan na limpeza da mancha.
📢⚫️ Cortada en #Ourense, en la A-52, en Allariz, sentido a la capital de la provincia.
— Dir. Gral. Tráfico (@DGTes) May 15, 2025
➡️Accidente entre el P.K. 202-210.
➡️Desvío debidamente señalizado.
🚨Más ℹ️en @InformacionDGT y en boletines de📻. pic.twitter.com/gcvRWZ5ydd
Nestes momentos os medios continúan no punto e a autovía permanece cortada en sentido Vigo entre os puntos quilométricos 202 e 210. O desvío está debidamente sinalizado.
A primeira hora o camión xa fora retirado por un guindastre pero os bombeiros permanecen limpando a zona e conservación de estradas traballa para repor os quitamedos que o trailer levou por diante. O camioneiro resultou ileso. Sospeitan que quedou durmido.
