Con estas temperaturas tan altas é moi importante hidratarse ben
Ao que máis recorremos é a auga, pero hai outras opcións tamén refrescantes e saudables, como as infusións frías, os batidos de froitas e verduras, que ademais teñen moitos nutrientes
O que temos que evitar son as bebidas azucradas e o alcol
Cando aperta a calor o que máis bebemos é...
"Auga", di unha muller.
Soa ou nas súas variantes con gas, con froitas ou con herbas aromáticas.
"Tomo auga con limón", di un mozo.
A auga é a máis recorrida, pero hai outras opcións saudables para combater a calor coma as infusións frías ou os batidos de froitas e verduras.
"Estes batidos teñen electrólitos, o sodio, o potasio, axudan a reter a auga", explica o nutricionista Ricardo Estévez.
Combinados que teñen un alto contido en vitamina B que axudan a combater a fatiga.
"E non debemos esquecer a froita enteira, que un 80 por cento é auga", engade Ricardo Estévez.
No tempo de ocio é cando adoitamos escoller peor.
"Unha cola ou un café",di unha muller, e un mozo di que prefire: "Un cóctel".
Mellor sen alcol e sen azucre, porque todas estas bebidas deshidratan e son máis calóricas.
