En Barreiros pidenlles aos veciños que reduzan o consumo de auga por unha avaría na ETAP
A planta puxose en funcionamento pero segue habendo fallos e os niveis dos depósitos están moi baixos
Cada verán hai restricións no consumo polo aumento da poboación: pasan de 3.000 a 22.000 habitantes
Estes días en Barreiros hai que abrir menos a billa. Hai restricións no consumo de auga.
"Na casa é máis doado pero no bar non porque a xente usa os aseos, temos que poñer os lavalouzas" di un home que ten un bar.
O problema está na potabilizadora de auga. Houbo unha avaría e os niveis dos depósitos están moi baixos.
"A planta está funcionando, pero os depósitos quedaron cos niveis moi baixos por iso pedimoslle a poboación que reduza ao mínimo o consumo de auga para que non haxa desabastecemento", explica Ana Ermida, alcaldesa de Barreiros.
Na casa cada un ten os seus trucos.
"Menos tempo na ducha", di un home, outra muller asegura que "poño menos a lavadora e o lavalouzas"
Cada verán hai restricións no consumo polo aumento da poboación, xa que pasan de 3.000 a 22.000 habitantes.
"Eu estou no camping e sempre intento fago un uso responsable da auga" conta unha muller.
A avaría resolverase, pero aínda así desde o concello insisten no uso responsable da auga. Nada de regar, nin encher piscinas, e tamen despareceron as duchas das praias.
