Comunicado de Ben McLemore: "A verdade sairá á luz e o meu nome quedará limpo"
"Levaranos tempo demostrar os feitos, pero a fiscalía non proporcionou ningunha proba"
"Non violei esa muller, non cometín abusos sexuais, nunca mantiven unha relación cando entendín que a outra persoa non estaba interesada en min"
O xogador do Breogán Ben McLemore ofreceu a súa versión dos feitos nun comunicado. Nel reivindica a súa inocencia e asegura: "A verdade sairá á luz e o meu nome quedará limpo".
"Non estou acusado de usar forza física para violar alguén. Estou acusado de manter relacións sexuais con alguén que agora di que non deu o seu consentimento", comeza a exposición.
"Non violei esa muller, non cometín abusos sexuais, nunca mantiven unha relación cando entendín que a muller non estaba interesada en min", asegura o xogador.
"Os meus avogados cooperaron coa investigación. Cando eles me informaron dos cargos fixemos plans para volver aos Estados Unidos e conparecer diante da xustiza. Non puiden facer máis para axudar no proceso", continúa o comunicado.
"Levaranos tempo demostrar os feitos. A fiscalía non lles presentou aos meus avogados ningunha proba. A verdade sairá á luz e estou convencido de que o meu nome quedará limpo", conclúe o xogador.
