Comisados máis de 150 quilos de berberecho extraído por furtivos en Corrubedo
Os axentes comisaron todos os exemplares e devolvéronos ao medio natural, ao atoparse en boas condicións
Os furtivos foron identificados e propostos para sanción cunha acta de denuncia
UICON/Xunta de Galicia
Axentes ambientais da Unidade de Investigación de Conservación da Natureza (UICON), dependente da Consellería de Medio Ambiente, comisaron 154,7 quilogramos de berberecho extraído por furtivos no Complexo dunar de Corrubedo e lagoas de Carregal e Vixán (A Coruña).
A través dunha vixilancia continuada con visores nocturnos, dron e prismáticos, os axentes detectaron a presenza de catro furtivos extraendo berberecho, así como o lugar onde escondían estes moluscos capturados.
Os axentes comisaron todos os exemplares e devolvéronos ao medio natural ao atoparse en boas condicións.
Os furtivos identificados e propostos para sanción cunha acta de denuncia.
