Comeza a Rapa das Bestas de Sabucedo
O curro tivo que atrasarse unha hora debido ás altas temperaturas
Dende as oito da tarde os aloitadores demostraron as súas habilidades para dobregar aos cabalos e cortalles as crinas
Este sábado deu comezo a Rapa das Bestas de Sabucedo.
Nin a calor puido coa Rapa das Bestas. Iso si, o tradicional curro tivo que atrasarse unha hora debido ás altas temperaturas. Pero iso non impediu que a emoción e a tradición volveran encher Sabucedo.
Dende as oito da tarde os aloitadores demostraron as súas habilidades para dobregar aos cabalos e cortalles as crinas.
Trátase dunha tradición ancestral que segue viva a día de hoxe, e tamén un espectáculo fascinante que están a seguir centos de persoas.
O deste sábado é o primeiro dos tres curros que se van celebrar en Sabucedo, ata o luns.
Despois os cabalos voltaran ao monte xa desparasitados e marcados para facer un traballo fundamental, son as desbrozadoras naturais que manteñen limpo o monte.
