Comerciantes de Vigo quéixanse da presenza de ambulantes ás portas das súas tendas
Aseguran que venden falsificacións e que supoñen unha competencia desleal xa que non pagan locais nin impostos
Reclaman espazos propios e regulados para este tipo de postos ambulantes
Nos días de cruceiro en Vigo, a zona portuaria énchese de turistas. É un dos momentos con maior presenza de vendedores ambulantes, xusto ás portas dun centro comercial. Roque Montero, autónomo e propietario dunha tenda, explica que eses días "non hai 3 (postos), hai 26. Teño gravacións de 28 postos. Ninguén mete man. Non se trata da venda ambulante, senon da ilegalidade e da permisividade das autoridades competentes"
Dende as tendas falan de competencia desleal e de permisividade con estas prácticas.
"Venden prendas falsificadas e sen factura, cando nós temos todo en regra, con facturas, con IVE... É competencia desleal porque as autoridades o permiten. Esta xente necesita ter un espazo e estar regularizados. Todo o mundo tendereito a vivir, eu non estou en contra de ninguén ", destaca Montero.
Os clientes comprenden a preocupación, aínda que moitos pensan que son perfís de compradores diferentes, mentres os comerciantes reclaman espazos propios e regulados para este tipo de postos ambulantes.
