Deteñen catro persoas ao desartellar un punto de venda de droga en Vilagarcía
Acúsanos de traficar con heroína e cocaína nun piso da rúa Valladares
Un dos arrestados foi enviado a prisión
O narcopiso desartellado sitúase nun edificio da rúa Valladares, no barrio das Carolinas. A investigación comezou en decembro, pero non foi ata esta semana que os axentes da Policía Nacional detiveron os catro individuos.
Están acusados de vender e distribuír droga desde este céntrico piso familiar. Ademais, a dous deles impútanlles tamén un delito de roubo con violencia. No rexistro do inmoble incautáronse de diversas cantidades de heroína e cocaína, cartos, armas brancas e xoias que, segundo sospeitan os axentes, poderían proceder de roubos feitos polos clientes para pagar as doses.
Os catro arrestados pasaron a disposición xudicial e un deles xa ingresou en prisión.
