Casa Gallardo en Mos cumpre 120 anos
Seguen servindo os xoves o lacón con grelos que xa facía a tía Romana
Nestes tempos efémeros e de cambios constantes raro é ver un negocio que dure 120 anos. É o caso de Casa Gallardo en Mos, o decano dos restaurantes da bisbarra de Vigo.
Un clásico que ofrece case as mesmas comidas que en 1905 e que triunfa tamén pola xenerosidade coa clientela desde que Perfecto Rodríguez o avó do actual propietario o fundase tras chegar de Arxentina.
O local tamén organiza concertos por aquí pasaron Cuchús Pimentel, Os Carunchos ou Mini e Mero ou La resaca de Massiel.
O local rexéntao agora Waldo Rodríguez. Moitos asiduos aínda lembran o polo estofado e as luras guisadas que facía tía Romana, o lacón con grelos aínda se serve os xoves.
A comida caseira e clásica semella ser a clave do éxito deste establecemento. Ademais da xenerosidade dos seus donos que nos malos tempos daban de comer a quen pasaba fame.
A barra ábrese ás seis cos repartidores e a cancela bótase contra a unha e media cos últimos da noite. Aquí conviven nenos con octoxenarios. Nalgún tempo tivo tamén fonda e semella seguir tendo futuro cando comezou o transporte circulaba en carros de bois e agora por aquí pasan coches eléctricos.
Ao pé da vella Nacional 120, cando se ampliou, botouse abaixo o edificio vello pero a casa de comidas nunca deixou de funcionar.
