Caos de tráfico na contorna da rúa santiaguesa da Pastoriza por obras

Son as nove da mañá, hora punta en Santiago. Nesta zona da Pastoriza xuntase o tráfico de xente que vai a traballar, o de pais levando aos nenos ao colexio e ata catorce liñas de autobuses de transporte público. Un pequeno caos para a movilidade e para os veciños da zona que se queixan dos problemas de tráfico.

O problema está causado por unhas obras para a accesibilidade na rúa Pastoriza que afectan ao tráfico rodado en Xoán XXIII, Basquiños e A Estila. Unhas obras que comezaban onte e xa causan problemas aos veciños da zona. Xente que ten que dar un gran rodeo para chegar as súas casas e persoas que protestan polos poucos medios que participan nos traballos.

Tamén se ven afectados polos problemas de tráfico e de aparcamento os negocios. Donos de tendas e comercios da zona falan dos inconvenientes de non dispor de zona de carga e descarga para as mercancías nin de aparcamento para os seus clientes.

Falta de clientes, problemas para a carga e descarga e mesmo problemas para os peóns. O peor de todo é que as obras teñen prevista unha duración de polo menos tres meses. Aínda que a maioría non cree que só sexan tres meses.

Agora o que toca é moita paciencia para os condutores, os peóns e, sobre todo, para os veciños da zona da Pastoriza.