Canceladas dúas conexións con Madrid nos aeroportos de Santiago e A Coruña por razóns operativas
O motivo foi "razóns operativas", en concreto, por descanso das tripulacións segundo informan dende a aeroliña
As mesmas fontes sinalaron que os viaxeiros afectados foron trasladados por estrada e acomodados noutros voos
EuropaPress
Dúas conexións con Madrid desde os aeroportos da Coruña e Santiago foron canceladas na mañá deste luns por "razóns operativas", segundo explicaron fontes da aeroliña Air Nostrum.
Así, cancelouse o voo que tiña saír ás 6:30 horas da terminal de Alvedro con destino á capital madrileña.
Igualmente, cancelouse o voo Madrid-Santiago que tiña que saír de Barallas ás 7:25 horas e, en consecuencia, tamén quedou cancelado o voo que tiña que saír de Santiago ás 9:20 horas con destino a Madrid.
Fontes da aeroliña explicaron que o motivo destas cancelacións foron "razóns operativas", en concreto, por descanso das tripulacións.
As mesmas fontes sinalaron que os viaxeiros afectados foron trasladados por estrada e acomodados noutros voos.
