Campaña extraordinaria de vacinación masiva fronte a gripe nos hospitais galegos esta fin de semana
Este sábado e domingo os hospitais do Servizo Galego de Saúde nas sete cidades reforzan a campaña de vacinación polo inicio precoz da onda epidémica da gripe
No caso dos hospitais comarcais, as citas de vacinación concentraranse na xornada do sábado, 29 de novembro
Más do 55,7 % das persoas maiores de 60 anos están xa vacinadas fronte á gripe en Galicia, segundo os datos da consellería de Sanidade
Esta fin de semana hai unha convocatoria extraordinaria en hospitais para recibir a vacina da gripe as persoas de 60 a 69 anos. Nesta franxa de idade están citadas a vacinarse máis de 33.000 persoas. As citacións para esta franxa comezaron xa nos centros de saúde o 10 de novembro.
A Consellería de Sanidade citou por SMS as persoas desa franxa de idade que aínda non foran chamadas a vacinarse fronte á gripe nos seus centros de saúde.
Esta fin de semana, os hospitais que están vacinando fronte á gripe son: Hospital Universitario da Coruña, Hospital Arquitecto Marcide de Ferrol, Hospital Clínico de Santiago, Hospital Universitario Lucus Augusti, Complexo Hospitalario Universitario de Ourense, Hospital Público Álvaro Cunqueiro e Hospital Provincial de Pontevedra.
No caso dos hospitais comarcais, o sábado en horario de mañá e tarde están a vacinar no Hospital Virxe da Xunqueira de Cee, Hospital de Barbanza, Hospital da Mariña, Hospital de Monforte de Lemos, Hospital de Valdeorras, Hospital de Verín e no Hospital do Salnés (no hospital de día de adultos.
Con esta vacinación extraordinaria, a Xunta pretende aumentar a cobertura vacunal ante o inicio precoz da onda epidémica da gripe, que actualmente está en nivel baixo aínda que con tendencia crecente, segundo o Sergas.
A día de hoxe en Galicia xa foron vacinadas máis de 682.200 persoas.
Vacinación masiva este sábado no CHOU
Campaña de vacinación fronte a gripe e a covid
A campaña de vacinación fronte á gripe e ao covid iniciouse no mes de setembro e desde o 10 de novembro as persoas de 60 a 69 anos xa comezaron a vacinarse nos seus centros de saúde ou consultorios.
Neste momento a porcentaxe de poboación maior de 60 anos vacinada fronte á gripe chega ao 55,7 %.
Ás persoas que non reciban SMS para vacinarse esta fin de semana no hospital chegaralles proximamente unha mensaxe da Dirección Xeral de Saúde Pública para acudir ao seu centro de saúde.
Os galegos acuden esta fin de semana aos hospitais públicos para vacinarse fronte á gripe
.png)
