Cambio brusco do tempo, con chuvia, vento e descenso das temperaturas

En cuestión de horas pasamos dunha calor abafante a un tempo gris, moito máis fresco, con chuvieiras e ventos fortes do sur. Notouse a baixada das temperaturas. As máximas que o sábado se situaban moi preto dos trinta graos apenas superan os vinte o domingo.

Este cambio brusco de tempo está motivado por unha borrasca que entrou polo litoral atlántico e que activou un aviso amarelo no mar por ventos fortes do suroeste. O inicio da semana non traerá cambios significativos no meteorolóxico.