Buscan un home que caeu á auga na Coruña, entre o Portiño e o porto exterior
Un particular deu a voz de alarma sobre as seis e media da tarde
Buscan un home que caeu á auga este martes desde unha lancha na Coruña.
O desaparecido ia na embarcación con outras dúas persoas. Pero ningún dos acompañantes se deu conta da caída no momento. Así que non poden precisar o punto exacto no que se produciu.
Crese que foi entre a zona do Portiño e o porto exterior.
Segundo informou o 112, foi un particular o que chamou ao servizo para informar do sucedido ao redor das 18:30 horas.
A Policía Nacional, a Policía Local da Coruña e Arteixo, e Protección Civil de Arteixo buscan o desaparecido por terra, mar e aire.
Tamén os Bombeiros da Coruña, o Servizo de Gardacostas de Galicia e Salvamento, que mobilizou o Helicóptero Helimer 402.
O #112Galicia ten constancia deste suceso a través da chamada dun particular contra as 18:30 horas.
— 112Galicia (@112Galicia) February 6, 2024
🚨 Unha persoa á que non localizan tras caer á auga desde unha embarcación na zona do Portiño, A Coruña.
Un amplo operativo peitea a zona por terra, mar e aire (1/2) https://t.co/LPIceDgEE0
