Buscan un veciño de Taboadela, de 73 años, do que non se sabe nada dende hai unha semana

Segue en paradoiro descoñecido un home no concello ourensán de Taboadela. Chámase Juan Mas Mercadé e falta da súa casa desde o pasado luns, día 5. A familia está desconcertada e moi preocupada porque nada sabe del. Foi visto por última vez á tardiña do luns cerca da súa casa, na aldea de Pereiras. Marchou no seu coche, un Toyota Avensis negro, levou a carteira e o teléfono móbil, pero non se rexistraron movementos bancarios e o teléfono dá apagado.

Os operativos de busca por terra e aire cun helicóptero da Garda Civil non deron ningún resultado. Segundo a súa familia, atravesaba un baixón anímico. En menos dun ano perdeu a filla e unha irmá. Ademais empeorara a súa saúde e tiña mobilidade reducida.