Bonito, arte e artesanía en Burela

Esta tarde inaugurábase a feira dos produtos artesanais, que cadra coa do bonito que empeza mañá. Esta é unha reivindicación do feito a man, do ecolóxico e tamén do bonito, con varios postos dedicados á súa comercialización.

Na inauguración resaltouse o vencello que hai entre a pesca selectiva e a artesanía.
Nesta confraría póxanse anualmente 1.600 toneladas de bonito.

Na feira repartiranse 3.500 quilos de bonito preparados de cinco xeitos diferentes.
Dende o ano 83 a feira do bonito está organizada pola Sociedade Cultural Ledicia.

Paralelamente o peirao de Burela acolle esta fin de semana o certame de pintura Amarte, un museo vivo de arte contemporánea ao aire libre.