Boa acollida en Vigo para o mercado itinerante de roupa de segunda man

Houbo moitos compradores na primeira xornada do mercado de roupa de segunda man organizado en Vigo pola empresa francesa Rethink vintage e tamén moitas opcións para escoller. 

"Hai de todos os estilos. A roupa é dos anos 80 ata 2005 máis ou menos. Trouxemos tres toneladas de roupa e chega outra o xoves de toda Europa e Estados Unidos", asegura Olivier Dequiat, responsable da tenda itinerante.

Percorren Francia e España organizando vendas coma esta. Din que detrás do éxito destas iniciativas está unha nova conciencia ecolóxica que aposta por reutilizar a roupa. O mercado permanecerá en Vigo aberto ata o domingo, con entrada libre.