Baterías de móbies usados, posible causa do incendio na planta de reciclaxe de Ordes

Baterías de móbiles usados, almacenadas nunha planta de xestión de residuos, poden estar detrás do inicio no incendio nas devanditas instalacións de reciclaxe situadas na localidade coruñesa de Ordes.

Foi minutos despois das 09:00 cando un particular compareceu na base para avisar dos feitos, grazas a isto púidose actuar de forma inmediata, a pesar de que nun primeiro momento as chamas eran moi rechamantes e víanse dende o exterior.

Segundo fontes do 112 de Galicia, consultadas por Europa Press, o lume foi extinguido en poucos minutos grazas á rápida intervención dos Bombeiros de Ordes, que non necesitaron máis operativos para apagalo e lograron que o lume non se propagase máis aló dunha esquina das instalación.

O incendio afectou varios plásticos e unhas impresoras que había na planta, ademais dos paneis de fibra das paredes da fábrica, polo que era visible desde o exterior. Segundo denunciaron os propios empregados á Garda Civil, o inicio podería deberse á ruptura dalgunha batería de móbiles alí acumulada no momento en que se estaban desprazando na fábrica. 

Finalmente, os bombeiros airearon as instalacións e comprobaron a temperatura no interior para evitar que se reactivase o lume.