Barcelona e Real Madrid cítanse para dirimir un clásico de Copa

O primeiro dos tres clásicos que Real Madrid e Barcelona disputarán nun mes chega con aroma de desquite para os brancos. A derrota sen oposición da Supercopa aínda doe nas filas brancas.

Nunha historia mil veces repetida, as dúbidas asedian o barcelonismo tras as dúas últimas derrotas en Europa e na Liga. As baixas de Pedri, Dembélé e Lewandoski contribúen a ese clima de incerteza.

Este xoves veremos a primeira parte desta película. A segunda, en abril no Camp Nou.